اجمد فراخ مشويه على الفحم من ايدين بيتى حياتى

اجمد فراخ مشويه على الفحم من ايدين بيتى حياتى

اجمد فراخ مشويه على الفحم من ايدين بيتى حياتى

ان شاء الله النهارده هقولكم على طريقتى في عمل الفراخ المشويه علي الفحم بس اوعوا تنسوا التقييييم ومش عايزه واحده تقرا وتجري 
لا ردى حبيبتى علشان غيرك يستفيد 
بتبقي تحفه وطريه ومش محروقه بيبقي لونها دهبي وجميل
فرخه صغيره كيلو ونص او 2 كيلو بالكتير
متنضفه كويس ممكن تتقطع اربع قطع او تتفتح كلها من الضهر وتفضل القطع ماسكه بعضها وطبعا بتسيبي الجلد وبتكسري عضمها علشان تتفرد كويس
اهم حاجه علشان تستوى كويس تفتحى الفرخه كويس يعنى الصدر يتشق اتنين ويفضلوا ماسكين في بعض 
والورك كمان من عند العضم بتفتحى فيه شق طويل من العرض ومن عند الدبوس وطبعا بتخرمى الفرخه بالسكينه علشان تشرب التتبيله كويس 
تتبلي الفرخه طول الليل او قبلها بيومين 
التتبيله 

ملح وفلفل اسمر وكمون وزنجبيل مطحون وبابريكا كبابه صينى وفص حبهان وكركم وشويه زيت صيرين
وعلبه زيادى او قطعه جبنه قريش والجبنه طعمها افضل من الزبادى 
معلقه صلصه كبيره وممكن نص كوب عصير طماطم
شويه خل وليمونتين مهم جدا علشان الفرخه تستوى بسرعه
تقلبي التبيله كويس وتغطى الفرخه كويس جدا وتغطى الطبق بكيس وتسبيه في التلاجه لتانى يوم 

عند التسويه
تولعى الفحم علي البوتجاز و تحطيه مع الفحم في الشوايه وتهوى عليه لما يولع كله ولاااااااااااااااااااااااااازم الفحم كله يكون مولع بنفس الدرجه ومبيدخنش مش جنب مولع وجنب لا 
لو عندك شبكه شوي حطى الفراخ فيها واقفلي عليها وكل دقيقتين تقلبي الفرخه لو مفيش تجيبي شبكه الفرن وتحطى علها الفراخ وبماسك البانيه تقلبيها كل دقيقتين اوعى تسهى عليها علشان لونها يبقي دهبي وجميل مش اسود محروق 
انا دايما بشوف البنات بيسوها ولونها بيسود من بره لكن لو فضلتى تقلبي فيها كتير هتبقي دهبي وطبعا بتهوى عليها وهى بتستوى 

http://static.hawaacdn.com/upload/9/...6257572cc6.jpg
http://static.hawaacdn.com/upload/9/...627743c90f.jpg

زوووووووووووووووووووووم شوفي لونها جميل ازاى طعمها كان رائع

http://static.hawaacdn.com/upload/9/...62573bacc6.jpg


وهنا قدمتها مع طحينه وعيش وسلطه ومخلل بيتى

وممكن رز بالكاري او مكرونه بس بالعيش طعمها احلى خاصه لو سخنتى العيش على الفحم وبقي مقرمش ولذيذ 



http://static.hawaacdn.com/upload/9/...62572c64bb.jpg



دى مره تانيه عملت فيها الفراخ على شبكه الشوي كلها من غير تقطيع
http://static.hawaacdn.com/upload/9/...62774e0f9e.jpg
http://static.hawaacdn.com/upload/9/...62775ac5d2.jpg

وانتظرونى في اكله جديده 

من فضل المشرفه تعدل الاسم اجمد فراخ 
وتفتح كل رابط في نفس المكان عندى مشكله في فتح الروابط