طبق جمبري ورز بالجمبري من مطبخى بالصور......بيتى حياتى
السلام عليكم
انا اول مره اعمل جمبري شوفت كام طريقه الفتوكات منزلينها قولت اجرب ولو انى مبحبش الاكلات البحريه بقرف منها ههههههه هبله مش كدا
المهم اشتريت الجمبري وطبعا اتخميت فيه لانى اول مره بقي
واستعنت علي الشقا بالله
نضفته ونقعته طول الليل في ملح وفلفل اسمر وكمون وكسبره وشطه وليمون
خدت الجمبري الصغير شوحت بصله وحطيت الجمبري 5 دقايق معاها وحطيت المايه والتوابل والكركم والرز وسويته عادى
وعملت خلطه معلقتين دقيق ومعلقتين نشا ومعلقتين بقسماط ناعم وبيضه وصفار بيضه خلطهم كويس وعليهم ملح وفلفل اسمر وكمون وحطيت فيهم الجمبري وغطيته باللخلطه وعلي الزيت علطول الخلطه دى قريتها لفتوكه مش فاكره اسمها
ودى صور الطبق اللى كلوه قالوا انه حلو جدا بس انا للاسف مكلتش منه خالص
لانى بقرف من الجمبري والكابوريا والحاجات دىيمي يمى
اللي تستفيد تدعى لزوجى ربنا يشفيه
ليست هناك تعليقات:
إرسال تعليق